河邊草

星期日晚唔覺意凍一凍就仲招啦! 左邊鼻鼻病倒了. 無錯 只係左邊~  初頭諗住剛開始, 飲啲感冒沖劑可以陣壓得住, 去到今日 (Fri) 終於失控. Lunch嗱嗱臨去買藥, 點知食開果隻藥無咗, 一時變得六神無主… 始終覺得 “無睡意” 果啲唔夠勁又貴, 最後是但買咗一隻. 返到公司立即0拍兩粒, 唔夠一個鐘就藥力發作眼皮下垂, 比包雲吞更辛苦. 之後有report要趕 已經無暇恰眼瞓, 好彩收工前攪掂. 返到屋企食過晚飯就再支持唔住~ 碌低瞓著咗! 竟然未到20:30就瞓到不醒人事咁! 幾耐未試過呀! (x_x)” 23:00左右醒咗, 起身洗頭沖涼, 現在好多了, 希望快啲好番啦! 聽日明明短週又要返工, 又要開始做功課 無咩時間去病囉!