最近煲緊一套日劇 “心理醫生”，劇中多次講及-人會被某些往事纏繞，潛藏心裡 造成陰影，在某時某地被某種原因引發變成心理病，好多時候連當時人都唔知原因。可能因為太痛苦 有意無意地封鎖起有關記憶，某程度亦是一種自我保護既機制。但心病還須心藥醫，心理醫生會引導當事人找出原因 學習面對 並加以克服，過程或會帶來極大痛苦，但無可避免。有家人及朋友的幫助 “沒有過去是不能跨過的”。
不可控制的 沒有辦法，但其實每個人也有不能/不願說出的秘密，殺傷力不比 “往事纏繞” 細，只是一日未爆 一日都唔會知傷害夠竟有幾深。可能耐力越強的人 受的傷也越深，亦因為不願跟任何人提及，得不到別人的同情及安慰，沒有發洩的渠道，明知問題存在 仍放不下 解決不了… 久而久之 扭曲了思想。
再加上種種壓力，部分人變得燥狂 甚至古古怪怪，有時搭車遇到果個人係度破口大罵 都唔知佢係自言自語 定係講緊hand-free，太大動作閃開又驚會勾起佢條筋 留在原位有驚殃及池魚，都咪話唔驚 (>_<)
社會越 “文明” 越 “進步” 問題就越多，咁又不公平 咁又被壓迫 咁又要投訴。錯 永遠是別人，自己 只是受害者！ “知足” 已經被遺忘 “常樂” 已經變神[經的說]話了~
