河邊草

最近煲緊一套日劇 “心理醫生”，劇中多次講及-人會被某些往事纏繞，潛藏心裡 造成陰影，在某時某地被某種原因引發變成心理病，好多時候連當時人都唔知原因。可能因為太痛苦 有意無意地封鎖起有關記憶，某程度亦是一種自我保護既機制。但心病還須心藥醫，心理醫生會引導當事人找出原因 學習面對 並加以克服，過程或會帶來極大痛苦，但無可避免。有家人及朋友的幫助 “沒有過去是不能跨過的”。 不可控制的 沒有辦法，但其實每個人也有不能/不願說出的秘密，殺傷力不比 “往事纏繞” 細，只是一日未爆 一日都唔會知傷害夠竟有幾深。可能耐力越強的人 受的傷也越深，亦因為不願跟任何人提及，得不到別人的同情及安慰，沒有發洩的渠道，明知問題存在 仍放不下 解決不了… 久而久之 扭曲了思想。 再加上種種壓力，部分人變得燥狂 甚至古古怪怪，有時搭車遇到果個人係度破口大罵 都唔知佢係自言自語 定係講緊hand-free，太大動作閃開又驚會勾起佢條筋 留在原位有驚殃及池魚，都咪話唔驚 (>_<) 社會越 “文明” 越 “進步” 問題就越多，咁又不公平 咁又被壓迫 咁又要投訴。錯 永遠是別人，自己 只是受害者！ “知足” 已經被遺忘 “常樂” 已經變神[經的說]話了~

今日又多了一個人生的第一次 “睇舞台劇”. 原本是對這劇一無所知, 偶然有機會觀看, 又幾好睇喎! 故事講述一位變性人的經歷 心路歷程, 有笑位亦有感動位. 全劇小草教喜歡男/女主角  ’謝德光’ & 他/她的好友 ‘Grace’. 佢哋唱歌幾好聽, 特別鍾意 ~ 我們是最好的朋友 & 祗可活一次 要忠於自己而活 放下別人怎樣看自己 談何容易! 就算唔係做咩傷天害理既事 只要是違反大眾認同的, 都被視為有罪… 小草要到幾時先有呢種 “放下” 的勇氣呢!? P.S. 多謝阿ca帶小草睇呢套音樂劇

每到年尾 “執嘢” 就變成指定動作，不論平時有幾多借口 呢次都走唔甩! 左執右執 呢樣應該留 果樣或者有用，終於真正會放棄既只係極少數。舊嘢唔捨得dum 新嘢又陸續有來， “高空”已經一早發展晒…點算 (-_-)” 咁夠竟幾時先係執嘢既最佳時機呢!? 對小草嚟講，心情唔多好既時候執嘢係最有效率既，因為留戀既感覺變弱 好多嘢都可以下定決心棄掉。 當然呢種清場行動係不適用於小草既珍藏啦! 哈哈! 仲有唔夠3個星期就過年 又係時候要出手啦! 唔知今次可以有幾“狠”呢!? 大家既 “最佳時機” 又係幾時呢?