參觀紅十字會總部

今朝一早就出門去京士柏, 雖然大概知道位置, 但唔知點樣行上去, 根據大會提供既地圖 由佐敦港鑯站經QE 再兜過去比較穩陣, 但沿路都無瓦遮頭 好熱呀! 行咗20分鐘終於到步, 到附近先知原來係油麻地經衛理道去仲好行 蠢咗!

0915參觀正式開始, 大會安排大家到演講室聽護士講解有關血液既知識及收集到既血液處理流程. 之後就實地參觀.

一般捐血為 “全血”, 男士每3個月&女士每4個月可捐血一次 (為配合紅血球的生命週期), 每次捐350ml / 450ml (視乎身高及體重比例而定), 由入針到捐滿一包血 必須在7-12分鐘內完成, 血液不可在室溫保存太久. 收集到既血液要經過嚴緊既處理程序先可以比病人使用.

成份捐血係另一種方式, 只會抽取血漿及血小板, 而紅血球會輸回給捐血者. 每兩星期可以捐一次, 但需時較長 (60-90分鐘) 亦只有在京士柏先有, 仲係 office hour, 要預約比較難攪.

京士柏總部

由捐血站收集到的 “全血”, 處理過程必須在24小時內完成

離心機 – 將全血初步分離

分離器 – 將血液仔細分開為4種: 紅血球, 血漿, 血小板 & 白血球

根據收集時間及血型分類

此櫃的層架會左右搖動, 避免血小板凝固

特別血型

嚴格溫度控制

冷藏血庫

用具必須徹底清洗

運載處理好既血液容器

成份捐血機

成份捐血套件

有幾多人可以攞到呢d獎牌呢?

記念章

流動捐血車

大樹菠蘿?

由於水土 空氣 環境 食物等不同, 血液是不可向其他國家收取的, 所以香港要自給自足, 請各位身體健康既朋友要定期捐血呀! 施比受更有福